上集提到一群維修師傅受雨傘運動啟發，成立民間組織「維修香港」落區洗樓，免費替基層街坊維修家居，改善其住屋環境之餘，也希望喚醒街坊的公民意識。
記者：張寶晶 攝影：馮就康、伍嘉亮
「維修香港」發言人Max曾跟隨學運組織落區。他認為相比傳統的「洗樓」，以維修入屋的落區模式較容易跟街坊深入談論社會時事，「佢讓你入屋維修，已經係給予你一種信任， 會願意開心見誠咁同你傾計，反而之前跟其他組織落區嗰陣，啲街坊見到你做問卷，問啲政治嘢，就會閂門」。
不過，組織班底源自雨傘運動，少不免會被藍絲街坊質疑，義工師傅良哥也曾遇過，「問你哋係咪雨傘(組織) 嚟搞搞震。我估唔到嘅一樣嘢，就係啲街坊真係以為佔領區大部分嘅人係有錢收，當返工咁返」。每次他都要費盡唇舌，耐心澄清這個謬誤，「有時都會撞到啲態度唔係咁好，甚至乎惡死啲嘅，喺傾到嘅情況之下，就慢慢傾，真係好唔歡迎我哋嘅，就講句唔好意思，我哋就走喇。」
由一月開始在土瓜灣舊區洗樓，他們更發現不少街坊都會被官員的語言偽術蒙蔽，例如有伯伯不喜歡長毛拉布，罵他浪費納稅人金錢，Max就會這樣拆局，「問下佢點解長毛要拉布，令佢發現係因為全民退休保障，然後我哋再拉落佢嘅退休生活，最後佢會發現長毛係同佢同一陣線」。
無論藍絲或黃絲，開明或保守，「維修香港」的師傅和義工都不會拒諸門外，只希望透過與街坊溝通，建立關係，令他們多關心社會。良哥表示，不少街坊都覺得政治距離他們很遠，不論說甚麼，做甚麼，似乎都沒有用，「其實每一個政策，如果你唔出聲，政府係會亂嚟，到時受害嘅一定會係我哋呢班比較低下階層嘅人」。
現時，除了土瓜灣，他們更會到觀塘、大埔擺設街站及「洗樓」，部分受助街坊甚至主動加入成為義工，令「維修香港」逐步遍地開花。「維修家居兼要維修市民嘅心，香港係好多嘢要維修，概括嚟講就係人同人嘅關係，當然去到尾，真係要維修咗個政府先」良哥如是說。
想知「維修香港」如何不問報酬服務基層，請看同系列報道「修完路障再整基層水電 師傅駕到維修香港」：
http://hk.apple.nextmedia.com/news/art/20151019/19339133?_ga=1.89888923.1639377395.1361331251