周日喺英格蘭舉行嘅欖球世界盃八強，就有蘇格蘭對澳洲嘅賽事，兩隊旗鼓相當；去到79分鐘，南非籍球證祖伯特決定要搶吓風頭，突然吹罰蘇格蘭前傳犯規，而澳洲就憑住呢個極具爭議性嘅罰球拎到三分，最終以35:34贏波晉級。賽後祖伯特可能都知自己罰錯咗蘇格蘭而心虛，竟然冇同球員握手就走咗，有唔少人都覺得佢呢種行為好可恥，甚至有人喺佢離場嗰陣向佢掟水樽㖭。