香港文化節同埋客家功夫文化研究會噚日喺文化中心廣場合辦「客家麒麟及功夫文化耀香江」，有逾10個客家門派表演功夫同舞麒麟。
近日踢爆定慧寺醜聞嘅翁靜晶，就以劉家良導演基金會創辦人嘅身份出席活動（圖）。佢笑住咁話，有睇過年初麒麟撞飛新民黨主席葉劉淑儀嘅新聞，大讚葉劉：「佢做過保安局局長，都真係有番兩度散手……唔知係咪學過功夫。」現場有記者忍唔住笑，翁靜晶就話自己一向心直口快，希望大家唔好見怪。至於入稟法院「踢走」住持釋智定一事，翁靜晶就話仲要啲時間研究法律問題，要搞清楚佢同佛聯會嘅分工先，所以會押後入稟行動。