【區選2015】
【本報訊】自由黨今屆區選派出20人應戰，當中唯一一位女將曾卓兒會在東區丹拿選區出選，與同樣初試啼聲的公民黨鄭達鴻決戰。曾卓兒優勢是獲自1995年起鎮守該區的現任區議員李汝大支持，主打全天候為街坊服務；鄭達鴻則相信該區選民較中產專業，認為在區內長時間留守未必是優勢，「識唔識得做先係個問題」。
記者：許偉賢
於2014年才加入自由黨的李汝大今屆求退，促成45歲、報稱公司董事的曾卓兒有接班機會。李汝大不時為身任陳家溝陳氏太極拳香港總會總監的曾卓兒派傳單，曾卓兒指「其實師傅都係因為我而入自由黨」，有信心能獲李汝大成功過票，但強調願意搏殺才是致勝關鍵，除了爆水渠時會幫手舀水，「好似之前琴行街漏煤氣，我3分鐘衝咗過去了解；人哋向後走，我就向前走，勇字當頭，街坊都話我好危險」。
搏殺就可攞分？27歲、報稱地區發展主任的對手鄭達鴻認為未必，深信選民也要求質素。「其實區選唔係睇嗰個黨專唔專業，而係睇嗰個參選人專唔專業」。他在理大念社會政策及行政，「我嘅優勢係專業，唔係頭痛醫頭、腳痛醫腳，做啲流於表面化嘅地區工作」。他舉例指若然爆水渠，「我唔會淨係去舀水，我會問水務署點解唔換啲水喉？監察有冇政府部門失職」。
區內選民知識水平較高
丹拿區包括丹拿花園、健威花園、百福花園、富雅花園等中產屋苑，鄭達鴻希望在這個選民知識水平較高的選區，「慢慢將民主理念透過區選灌溉開去」，他形容，「香港政治𠵱家一潭死水，好多市民都唔知區議會係乜嘢職能」，冀藉參選帶動改革。他坦承當區部份居民或不喜歡佔領爭民主的表達模式，但相信他們依然支持民主。
曾卓兒卻指區內的中產選民，首要訴求是和諧穩定，非每每談政治。「中產為嘅係安定繁榮，咁就會對社區服務有更逼切需要，想個社區更好更靚。靚有乜好？樓價會升囉！」 並稱不少居民反對佔領運動。
