試問有邊個夜蒲未俾人笑過？最醜夜蒲衫、最爛開場白等等等等，你同我都衰過唔少次，呢次訪問咗幾位鍾意夜蒲老蘭嘅朋友，睇吓有乜意見畀到大家？放心，笑笑吓就冇事。
(一)夜蒲最爛開場白係？
Mevius：我最唔鍾意啲人一開口就叫我「靚女」，覺得好差好唐突。
Dj Zwing：明明見到我同朋友一齊，然後就問我：「你同朋友一齊呀？」
淇：「你成日嚟架？」
(二)咁講乜開場白好呀？
Mevius：「你好似好悶咁喎。」呢句說話聽起嚟好似溫柔啲。
DJ Zwing：「我班朋友喺嗰邊，不如你都過嚟一齊玩吖，多個人玩開心啲嘛。」
淇：「Hello！」唔使太複雜，其實都係想識個朋友啫。
(三)去夜蒲着乜好？
Mevius：我鍾意男仔着得smart causal，西裝外套裏面唔着恤衫，普通T-shirt襯西褲。
Edmund：我覺得女仔着貼身牛仔褲，加多對平底鞋就最吸引。
淇：女仔着涼鞋唔好着襪，男仔着短褲就OK，不過唔好着高筒襪。
記者：容慧心、陳倢
攝影：潘志恆、許先煜