iPhone 6s又有最新報價，肥通在香港大莊手上，取得這張最新「行內人」拆貨機價！不過你想放機的話，當然冇咁好價位，基本以上價錢全部減$200，就係大家現時的放機價！所以簡單理解，呢$200就係舖頭所賺取的差額。
從以上數字所睇，基本全線iPhone 6s及6s Plus都要以損手離場，好一點的只有iPhone 6s Plus 64GB版，大概可以賺取$262-$362的差額。
雖然記者絕不鼓勵大家去炒機，不過有一些行內消息大家還是要知道的；最近收到貼近Apple拆貨商消息，行貨版iPhone 6s Plus，倉內庫存的最後一批貨，將會短期內推出市面，下一批新貨幾時到，暫時未有進一步消息，所以大版機iPhone 6s Plus，機價有機會在短時間內因缺貨而夾高，所以如果最近想買機者要留心！
苦口婆心都要講一句，最後存貨量是多少？新機補充所需的時間是多少？絕對非我們一般凡人可知道，如果手上有「大機」想放者，建議可以觀察一段短時間，如果你想再追貨炒機？我只好說祝你好運了。
記者：朱崇德