於9月時，由於港股估值偏低，平貨「通街都係」，令到沒有往績的新股乏人問津，多家新股需押後招股計劃，不過，當市場覺得中國經濟已喘定，美國年內加息預期進一步下降，近期新股氣氛似乎開始逆轉，就連原本無人看好的巨無霸新股中再保（1508），竟然也能夠以招股價上限2.7元定價（當然要多得國家隊支持）。
新股市場真的轉好？有投行朋友說未必。他說：「你睇近排啲大隻新股，好似中再保同華融（2799），大部份貨都係要由國家隊同友好corner晒，隻嘢先可以去到，你就知新股仲未返晒嚟，起碼要等到一隻40、50億嘅新股，喺唔靠國家隊嘅情況下成功上市，咁就可以話新股轉勢喇。」
朋友續稱︰「不過又咁講，雖然仍未能確認新股已轉勢，但聽講話好多新股都想趁個市呢排好少少，攞一啲之前hold住嘅新股出嚟博一博……今日唔知聽日事，話唔定呢個可能係今年最後一個新股窗口，短期會見到好多質素唔係咁好嘅新股蒲頭，小心啲啦，唔好以為坎坷過後實有艇搭。」
最壞也不是太壞的話，GO？
密西比