四太梁安琪私人在港與海外坐擁大量投資物業，包括住宅、商廈、舖位，單係中環娛樂行，市值超過60億元。吳士元幫四太打理尚嘉控股，管理呢個市值過百億元嘅物業王國，今年8月甚至投得元朗牛潭尾洋房地皮，實行做埋發展商。
吳士元笑言，「以前做朋友，只係知道四太有一個大衣櫃，𠵱家就睇到衣櫃裏面有幾多對鞋、幾多件靚衫」。尚嘉並非上市公司，佢拒絕透露物業詳情，只係形容，成立一間公司去管理，好似百鳥歸巢，四太亦想以後可以主動些少去發展，例如為物業增值，公司亦會繼續買地，目標係發展低密度嘅高尚住宅。
四太要照顧賭王，又要兼顧澳門生意與其他事務，並非經常走去尚嘉寫字樓，若有事要傾，原來佢鍾意約吳士元出去飲咖啡，邊飲邊傾。