入秋袋定支潤唇膏出街旁身，除了可以潤唇之外，其實還有好幾個用途大家未必會知！
1. 補妝前打底
秋冬塊面特別乾，直接加遮瑕膏再冚乾粉咁補妝，補妝部份必定厚粉兼有裂紋；用紙巾輕輕印走底妝，加少少潤唇膏作滋潤再補粉，效果就會貼服得多，尤其是鼻翼眼底位，不妨試試！
2. 光影筆
潤唇膏其實可當highlight用，加少少在鼻樑、顴骨、眉骨和下巴等凸起位置，就做到面部水潤漲卜卜的效果啦！潤唇膏塗面會黏過真正的光影筆，加少少碎粉上面就冇問題了。
3. 髮gel
秋冬頭髮特別篷鬆，分界位的BB毛豎起或劉海唔整齊，用潤唇膏在頭髮上捽一捽散開的地方，就會有黏合的效果，這個方法由細做到大，真是必試！
記者：容慧心