求驗客手記：C朗轉會只值廿個波

皇家馬德里前鋒C朗雖然已經30歲，不過體力仍然充沛，入球量雖然下跌，仍然係球壇數一數二，PSG仲傳過想用一億歐元收購佢；不過原來C朗第一次轉會，轉會費只不過係20個波同兩件波衫。世界職業球員工會調查後確定，C朗10歲嗰陣（圖）由葡萄牙家鄉球隊安多里尼亞轉投國民隊時，安多里尼亞只係收到20個波同兩套波衫，比起今時今日C朗身價，真係蚊髀同牛髀之差。