十優港姐麥明詩律師男友林作噚日同梁齊昕出席中環置地廣場活動，原來佢兩個早喺英國求學時已經相識，大家都係讀法律，不過就唔同校。林作報咗名參選區議會出戰黃大仙龍星選區，問會唔會邀請齊昕助選，林作話冇諗過，因為唔想靠明星效應喎。
至於早前俾人影到麥明詩到訪佢屋企，林作就否認二人同居，「唔係，完全唔係，佢哋影到佢上我屋企，佢逗留咗幾個鐘。唔記得父母喺唔喺屋企，佢哋見過面，朋友去朋友屋企好正常。」
至於齊昕噚日現身時精神飽滿，問到最近忙乜嘢，佢話幫手籌備同動物有關嘅慈善活動。至於萬聖節點過？佢笑笑口話自己唔怕鬼，但係驚入鬼屋。又話本來想扮天線得得B，但驚焗所以打消念頭。