一代名將魯爾（圖）終於決定為佢輝煌嘅球員生涯劃上句號，宣佈下個月為紐約宇宙隊完成今季比賽後就掛靴。38歲嘅魯爾喺西班牙國家隊同皇家馬德里嘅最多入球紀錄，近年先後被打破，但依然無損佢頂級球星嘅地位。魯爾出身於皇家馬德里，17歲就首次喺一隊上陣，一共贏過六次西甲同三次歐聯；佢喺2010年離隊後，先後踢過史浩克04、艾薩德同埋宇宙隊。