【科健籽】返工撐得住 健康零食快遞
【科健籽：食養東西】
每次聽到「健康零食」四個字，必定想起淡而無味的梳打餅和粟米片。香港工時全球最長已夠慘情，連精神支柱濃味零食都要戒清，未免太殘忍。近期香港流行月購式健康零食速遞服務，身為零食精的記者特地找來兩間本地零食速遞網店大比拼，更找來營養師吳耀芬，分析兩店所選零食是否真正健康。返工冇零食會腦閉塞，但又唔想賠上健康的你必定要留意。
月購式速遞服務聽來新鮮，美國紐約公司Birchbox於2010年創辦“Beauty box”月購式美容試用品訂購服務紅爆網購界，上至美妝品、下至寵物用品百花齊放。而成立於2012年、位於矽谷的naturebox健康食品速遞公司更成為業界領頭羊，「健康零食盒子」於當地掀起一股熱潮。本地月購式零食速遞公司“Munchbox”及“Greenberry”的營運模式與naturebox類近，皆是於網上選購、填妥送貨地址，再以信用卡網上付款，網店即會將由店主選取的全天然健康零食盒子送到府上。二店皆冇合約綑綁，訂購方式簡便。二店選材風格大不同，Munchbox由曾為執業律師的專業拍檔Jacky Lo及Eunice Wong創辦，健康零食由北美洲入貨，選材大眾化，男女老少皆宜；Greenberry則由年輕姊妹花Elizabeth Li及Jade Li經營，多選英國產品，主打OL市場。
營養師都話健康
起初以為營養師多大力反對食零食，但營養師吳耀芬（Kathy）分析後，大讚食材有心思亦超健康，「選健康零食，必要低糖、低脂、低鹽、無添加劑及色素才算合格。兩店的零食符合五大條件之餘，選材較香濃可口，貼近香港人喜好。」健康食品一向予人又淡又難食之感，Kathy亦認同：「香港健康零食難搵，就算有都非常貴，所以一般營養師只可建議選食梳打餅、脫脂奶等。而兩店的健康零食，於一星期內進食兩至三包也不為過。Munchbox一盒至少12包，作為一個月的份量剛剛好。」而出名為食的我亦同意此說法，每月限定自己只可進食一個零食盒子的份量，可起規管作用。
營養師吳耀芬
Munchbox的零食較貼近香港人喜好，適合公司同事開心share。營養師Kathy推介此盒，選擇夠特別，相比之下亦更健康。
•一個月份量：$250
•數量：至少12款
•來源地：北美洲
•出貨：每月首兩周
查詢：http://www.munchbox.hk
Rhythm羽衣甘藍脆片
營養師點評：羽衣甘藍是近年歐美極流行的蔬菜，《Time》指其含極豐富維他命K有助預防骨質疏鬆症。此零食以烘焗方式製作，可保留蔬菜纖維。
Yum Earth Organics小熊糖
營養師點評：這款糖並冇任何增味劑、色素、脂肪及防腐劑，只以新鮮果汁作調味，實屬難得。
【彈】Barnana花生醬香蕉乾
營養師點評：此款零食雖然以全天然有機材料製作，但內含的花生醬飽和脂肪高，一包40g香蕉乾已含5克，即每日建議吸收份量的四分一，多吃會致肥需控制份量。
【讚】barefruit 蘋果脆片
營養師點評：蘋果脆片完全冇添加油份、糖份、色素，材料只有蘋果及天然香料玉桂作調味，更含高膳食纖維，值得推介。
Greenberry的選擇較女性化，主打OL市場，記者較愛此盒，尤其薰衣草朱古力一試難忘。
•一個月份量：$228
•數量：至少8款
•來源地：英國、澳洲
•出貨：每月第二個星期
查詢：http://www.greenberry.com.hk
【讚】Eat Real藜麥脆片
營養師點評：使用高蛋白質及高纖的藜麥製作，以番茄與大蒜調味，不含增味劑，但油份高容易致胖，需控制份量進食。
Island Bakery燕麥曲奇
營養師點評：市面上使用牛油製作的燕麥曲奇，皆不如此款使用酪奶般低脂，進食12塊只有61大卡和3.2克飽和脂肪即半茶匙油，使用蜜糖增甜而非砂糖，非常健康。
nakd.香蕉蛋糕味能量條
營養師點評：市面上的能量棒熱量非常高，看似健康但卡路里高達二至三百，屬肥仔零食。但Greenberry選的能量棒只有94大卡，以天然有機果乾增加甜度與纖維，易有飽腹感。
【彈】Seed and Bean薰衣草朱古力
營養師點評：雖以有機天然材料製造作賣點，畢竟朱古力屬高熱量食品，如這款每100克中含580大卡及44克脂肪，少食多滋味。
記者：楊麗珊
攝影：伍慶泉、林栢鈞、鄧鴻欣
編輯：黃仲兒
美術：利英豪