寶馬近年強推2、4、6系後，已火速投產高性能的M4及M6型號，唯M2一直未有動靜，1M又停產、M3又係中型車，鍾情寶馬小鋼炮的，只好向M135i同M235i埋手。好了，廠方終於宣佈M2詳細規格同釋出新預告片，止一止M迷的癮；唔怕大唔怕重，用上3,000cc直六引擎，繼續沿用TwinPower Turbo，馬力可去到370匹，扭力達到500Nm，0-100km/h加速僅需4.3秒，不過極速依然被電子限速鎖在250km/h，而傳動則為六速手波，或選購M系七速雙離合波箱。官方更話M2跑「綠色地獄」紐堡靈賽道只需7分58秒，有料到喎！
記者：徐影龍