男子組合Shine成員徐天佑昨日於尖沙嘴出席化妝品牌活動，早前公佈婚訊的天佑，將於下月8日跟拍拖8年的中學同學Olive拉埋天窗，當晚會在洲際酒店筵開40席喜宴，之前二人已到歐洲拍攝婚照。
準新郎天佑昨日表示因為婚禮臨近，感覺興奮，又透露婚禮花費百萬，亦給予女家6位數字禮金，他笑說：「大家快啲搵我做嘢，又未係我全部積蓄。」天佑表示自己跟未婚妻均喜歡花園的感覺，所以婚照背景跟婚禮都會佈置成花園，他更笑言正努力儲錢買有花園的愛巢。
天佑婚後先過二人世界，他說：「我哋兩個都比較諗得多，會諗吓點教好小朋友，不過𠵱家都開始諗，最好生兩個，一男一女最好。」
「最緊要盡興」
提到喜宴名單，天佑表示惠英紅、曾志偉、陳果與黃偉文到時均會出席，問他最近Bob於錢國偉的婚禮上醉酒鬧事，問他擔心嗎？天佑笑說：「我唔怕人鬧事，最緊要盡興。」
採訪、攝影：羅慧敏