香港的電視行業從免費電視牌照爭奪戰，到近期先後有網絡電視進駐香港，已經進入全新大戰時代。曾揚言每年計劃投資「一個億港元」拍至少2至4部劇的樂視，在早前開拍的網劇《天才在左 瘋子在右》，邀請了在娛樂圈消失了近20年的前無綫小生林俊賢參與演出。
《天》劇雖然要到下月13日才首播，不過林俊賢的精神病智者造型率先曝光，劇中他表面溫文爾雅，但事實上他有特殊能力影響他人思想，所以醫院強迫他戴上口罩、住獨立病房，兼列為最危險的病人，霎眼看來更有點像經典電影《沉默的羔羊》的醫生造型。
自認有病易投入
談到今次演出，林俊賢說：「呢個角色對我好有挑戰性，本來我身體狀況唔係幾好，唔可以長時期拍攝，但係我一睇到導演畀個劇本我，我好希望做呢個角色，加上又見到好多以前合作過嘅同事，令到我好有驚喜，好易投入角色。」至於事前有否接觸患有精神病的人，他笑說：「我都有啲精神病，不過我本身接觸好多精神上有困擾嘅人，包括我嘅朋友同埋好親嘅人，我有呢個理解，感受到比較深刻。」
撰文：唐琛悠
