上月30日誕下囝囝Johnson，梁政珏榮升人母，她承認陀B以來一直都很大壓力，直到囝囝出生後以為放鬆點，但得悉囝囝原來飲不到她的母乳，一度令她十分擔心，她昨自爆：「我啱啱生完嗰幾日情緒唔係幾好，試過聽到姑娘話囝囝只係飲咗好少奶，我突然間好驚，爆喊咗出嚟，搞到醫生同護士都好擔心我有產後抑鬱，即刻搵咗臨床心理學家跟進我。」
梁政珏表示：「我每日都會去探囝囝，有次我心急，冇等工人姐姐同老公就自己行咗出房，點知我企咗喺電梯口，突然間諗唔到自己去邊，嗰時個心都幾驚，後來有護士見到我呆咗咁企喺度問做乜，我話自己唔知道想去邊，護士就叫我唔使驚，因為啱啱生完會係咁。」不過，梁政珏笑說現在可以日日抱住囝囝飲奶，甚麼不開心都忘記了。
採訪：小米