渣打集團（2888）正執行全球裁四分一高層計劃，有本港員工透露，該行噚日內部通知會有4位本港高層離職，包括香港金融市場部主管陳鏡沐。擁有30年財資市場經驗嘅資深銀行家陳鏡沐，舊年11月11日加盟，出掌金融市場部主管，負責管理外滙、證券、商品及信貸同埋資本市場業務。
據了解，加入渣打不足一年嘅陳鏡沐其實早已萌生去意，故趁重組選擇離開。華華聽到呢個消息都覺得好可惜，真心希望陳鏡沐前程似錦。
銀行界其實又唔係完全一片愁雲慘霧嘅，好似以前跟開按揭業務嘅林智剛，就啱啱升任為花旗零售銀行業務主管。唔講唔知，林智剛係紅褲子出身，喺花旗銀行做足18年，今年工作再上層樓，專責管理客戶業務、零售銀行銷售及分銷，同埋零售銀行產品及服務。