趣趣地︰C朗四奪金靴阿仔舉中指

基斯坦奴朗拿度（C朗）喺上季刷新自己單季聯賽入球紀錄，入成48球，亦順理成章贏佢職業生涯裏第四次歐洲金靴獎。

C朗喺周三出席頒獎禮接受金靴獎座，佢囝囝小C朗當然有跟埋出席，點知當C朗喺台上致詞多謝姨媽姑姐嘅時候，小C朗唔知因乜，個表情好不屑，仲豎起埋隻中指（圖），嚇到坐佢隔離位老人家嗱嗱聲出手遮住佢。