各位魔迷，唔知大家記唔記得碧比（圖）呢？就係嗰位被視為費格遜執教生涯最失敗嘅收購，佢𠵱家踢緊西甲嘅華歷簡奴。呢位25歲葡萄牙前鋒雄心壯志，話要踢番大球會，「如果我可以喺西甲一季入到10球，我就有能力踢大球會。我未諗過可以返曼聯，但冇嘢係冇可能。」另外，曼聯中堅麥尼亞幫北愛爾蘭作客芬蘭撞傷肝臟，喺當地留醫咗三晚後料會係周三返國，希望佢快啲好番啦！