泛民主派發現港島近日出現一批「假傘兵」，佢哋打住黃絲旗號、理念卻唔多似黃絲，負責統一回應傳媒查詢嘅發言人、喺東區南豐報名出選嘅李澤深（圖），回應八方同事查詢時更話黃絲代表和平所以支持，又直認從未喺佔領區過夜，同其他傘兵嘅理念好唔同。
而近日網上討論區包括高登，出現唔少關於呢位李澤深嘅爆料，內容大致話李澤深係黑社會、仲曾經因為「自稱三合會成員」而被判入獄。嘩，乜佢咁猛料㗎？李澤深回覆網上傳媒查詢時強調，從未參與過任何三合會入會儀式、又強調從未入獄。但泛民對佢嘅回應仲好質疑，同八方講，係人係鬼，拭目以待。