雖然話呢排樓市冇乜方向，但唔少名人深明磚頭有價，趁市淡入市撈貨。好似大潭紅山半島，雖然唔係全新豪宅，但勝在位處傳統南區豪宅地段，又有靚海景，環境寧靜，好多富豪都鍾意。繼早排太子珠寶鄧鉅明買入紅山半島後，最近松柏徑雙號屋，實用面積3,142方呎，另設863方呎花園，就以9,810萬元成交，實用呎價3.12萬元，田土廳嘅買家登記係孔健濤（Kong Jiantao），跟合景泰富（1813）大股東兼行政總裁同名。