民建聯嘅「成功爭取」遍佈港九新界，最新一宗「成功爭取」竟然變成「未能爭取」，仲辳到要相關機構出聲明否認。事源係馬鞍山嘅耀安邨，該區嘅民建聯區議員李世榮派發單張上，指已去信管業處要求抽取食水樣本，驗吓有冇鉛，仲聲稱委託香港生產力促進局化驗，結果發現抽驗樣本冇超標。
有人特意向生促局查詢到底有冇抽驗水辦？點知局方回覆係︰「本局並沒有派員在耀安邨收集食水樣辦。」講法明顯同李世榮嘅說法有出入。但生促局噚晚回覆《壹錘定音》時話，查證後發現之前的「聲稱」、即係冇派員收集水辦不符事實，對提供咗不確資料致歉喎。