麥當娜嚟香港開演唱會，未開已經引起哄動，掀全城搶飛熱，原來有人「收埋」咗一啲飛，就係亞洲博覽館行政總裁哈永安。不過，總裁唔係獨吞，只係用嚟吸引旅客。亞博館同旅遊業界合推「Encore暖流」博覽旅遊套票計劃，包括喺亞博館舉行多場巨星演唱會門票，如麥當娜、CNBLUE等，加上五星級酒店住宿、米芝蓮或香港特色美食，每套只需4,888港元起，主要吸引嚟港參展嘅有錢豪客在港旅行、消費。
哈永安話，現時博覽館每年係超過10個大型或專業考試場地，個別考試同場有逾萬名考生，當中唔少係外地嚟考試，再加埋陪考家長，都係唔錯嘅客源。