【區選2015】
【本報訊】新民黨副主席田北辰2011年首次出選荃灣愉景選區，一擊即中成為區議員，當時趙恩來是田的政治助理；4年過去，趙恩來變身工黨成員，殺入愉景與前老闆對撼。
首戰區選的趙恩來強調對選情有信心，稱從不打沒把握的仗，認為年輕、肯做、肯搏是其優勢，冀將更多居民聲音帶入議會。面對前助理挑機，田北辰今屆以「只做實事，唔玩政治」為口號，有信心過去4年「業績」獲居民支持，質疑只懂拉橫額及喊口號「有乜用」？
記者：周詠雯 許偉賢
4年前在愉景選區擊敗地頭蟲後，65歲的田北辰未必料到競逐連任時的對手竟是前助理，「有啲人做唔到實事，惟有玩政治」。本身為大型時裝連鎖店老闆的田北辰稱過去4年有「業績」，相信選民懂得選擇。
「我上次參選，係賣一個hope，人哋做唔到，我就去做。」田北辰受訪時稱，任內4年就區內的鐵路噪音及巴士班次等問題「有功課交」，今屆爭連任遂以「實事求是，為你做事」為口號，強調區議員理應做實務。
「只識拉橫額有乜用？」
此口號是否與今屆遭到前助理趙恩來狙擊有關呢？「如果話要踩低對手、話人哋幾差幾差，呢啲就係政治，今次我嘅對手就係做緊呢啲工作，呢4年，我諗唔到佢做過啲乜，大部份係抽水。」
他稱對方在某些議題上跟風，「我做完佢先至做」，又以愉景新城被指變身自由行商場為例：「嗰啲唔做實事只搞政治嘅人，只識一樣嘢，就係拉橫額施壓，咁對政府或者有用，但對私人企業完全冇用。」
他表示其處理問題的方法是溝通，例如得悉居民要求商場內開設「碟頭飯」的餐廳，便針對性向發展商爭取；增設酒樓也是居民意願，他拉攏飲食界朋友與發展商洽談，切實推動，「如果只係識拉橫額，勢不兩立，咁有乜用？」
田北辰強調，對趙恩來曾經向雜誌表示是已故支聯會主席司徒華叫他做「無間道」極為痛心，質疑道：「我認識嘅司徒華原則性好強，絕對唔相信佢叫下屬做啲咁嘅嘢。」
被問及雨傘運動對選情會否有影響，田相信部份選民會在今次區選投票考慮政治因素，但不知對選情是好是壞，「都可以有黃絲嘅人想政改通過，分分鐘係加唔係減㗎喎」。
■記者許偉賢