【本報訊】患肝癌父親怕屢犯詐騙案的長子入獄，致電處理兒子案件的感化官並恐嚇對方，要對方寫好報告否則「殺咗你」。他早前在粉嶺法院承認刑事恐嚇罪，昨求情稱愛子心切方犯案。裁判官聞言即勸他「你年紀大，仔亦長大，你理唔到，亦唔應該你呢個年紀去理」，又斥旁聽長子「你知唔知畀咗好多麻煩屋企？」最後判涉案父親入獄1個月，緩刑1年。
被告呂慶如（54歲）無業，沒刑事案底。辯方求情稱被告曾任扎鐵工人，努力養大兩子一女，惟2006年患上肝癌，先後接受4次手術，現時沒工作。
主任裁判官吳蕙芳聽罷求情即勸被告要注意健康，又稱：「個仔唔爭氣，唔好將個仔孭晒上身。」吳官亦當庭斥責旁聽的兒子，表示「你應該撐起成頭家，但你就畀麻煩屋企」，並勸他「老老實實搵錢，唔好搞古靈精怪嘢」，最終判被告緩刑。
案件編號：FLCC4948/15
■記者陸羽平、蘇曉欣