散戶至愛嘅投資專欄作家曾淵滄早前遇上交通意外，不過已經出院，粉絲們唔使替佢擔心嘞。
話說曾淵滄上月底唔小心，駕車出門時，停車開車門，準備拍八達通卡出閘，點知忘記拉實手掣，架車忽然溜前，佢就係咁被車門夾親小腿。
華華最初仲以為只係小事，但原來呢宗好似好小事嘅意外，令到曾淵滄部份小腿肌肉壞死了，需要做手術，好在手術順利，佢住院大約17日，上星期五終於出院回家休息。
雖然佢暫時行動唔多方便，仲需要一段時間讓傷口復元，但係佢精神好好，胃口都唔錯。最厲害嘅係，有多年投資經驗嘅佢，即使人在醫院，仍然相當之貼市，喺醫院寫專欄時，又領悟到更多人生與投資嘅道理，越來越好睇呀，粉絲們可以放心了。