七老八十，未必只能呆等生命的盡頭，一班長者用行動說明即使年老，亦能活得精采。9名平均年齡達64歲的銀齡族組成攝製隊，到台灣為一群同樣不認老、踩單車長征的長者拍攝紀錄片。成員業餘，態度卻專業，為捕捉最好的畫面，過程歷盡辛酸。
今年是第6年舉辦「不老騎士」活動，逾40名加起來逾3,000歲的長者參與，花4天時間，由花蓮踩單車往屏東，路程長近350公里。長者安居協會「銀齡攝製隊」獲活動主辦單位邀請，赴台為「不老騎士」拍攝紀錄片。
9位花樣爺爺嫲嫲上月29日踏上征途，出發到台卻遇上颱風，被迫滯留台北，翌日始能趕上火車往花蓮；又因座位票售罄，須拿着重重的器材站足兩小時到目的地。
瞓身趴出車外拍攝
出師不太順利，卻未影響攝製心情，為捕捉一瞬即逝的鏡頭，每位銀齡隊員都「瞓身」拍攝，趴地爬上外，甚至會做出危險動作，隊中年紀最大的子超被公認「最唔聽話」，「82歲好似28歲咁」。
「最驚險係子超喺媒體車上面拍參賽者過嚟嘅畫面，佢好多時成個身趴咗出去，我要抆住佢條褲頭，佢仲要再出啲，有時攬住佢個膊頭，一見到有車嚟，就拉佢縮返入嚟。好勇。」副導演David讚嘆子超的投入，打趣說要常常「睇實佢」。
旅伴更踢爆子超曾想走出高速公路拍攝，又想坐在摩托車後座倒後拍攝，當然一一被拒。提起搏命史，子超哈哈大笑，「投訴」拍攝被干涉又被迫休息，「唔伸個身出去就影唔到，我覺得佢哋規限太多」。
「換個角度睇自己」
子超坦言每日拍攝工作很辛苦，又曬又熱，清晨5、6時起床，晚上10時才回房休息。旅途艱辛，他無悔參與，且不願獲特別對待，「長者安居協會有個口號，『換個角度睇長者』，如果要做到呢樣嘢，首先要換個角度睇自己，唔好將自己放落老人範疇，將自己規限咗，要做自己想做嘅事」。
拍攝原來是子超自小的興趣及夢想，「以前我細個玩吓菲林相機，曬相、黑房都會搞，退休後先真係拎起相機『交功課』」。除了拍照，還學拍片及剪接，真正學無止境。
隊友Christina談起旅程亦眉飛色舞，擔當助理的她形容6日行程有如游牧民族，每日轉不同酒店，部份落腳點較落後，是人生63年以來最辛苦的旅途，反而從中有所領略，「我都想學佢哋（不老騎士），人生唔應該咁平淡咁過，做啲刺激得嚟自己又做得到嘅，人生可以精采啲」。
■記者容文穎