禮拜三谷草賽事用B跑道，睇番最近9月16日同一移欄賽事，前置馬完全控制大局，八場賽事竟有七匹頭馬守前三位入直路建功，其中「榮光大道」、「故事」、「駿將」及「香港興旺」更加係由頭帶到尾勝出，另外，一至五檔合共交出六W，所以抽中內檔之前置馬仍然要優先留意。今戰列陣馬中，五場「創出商機」及八場「競駿高飛」上仗正是於9月16日谷B欄贏馬，勝後等番同一移欄再跑，睇部署有心添食。另外，二場「莫己若」三戰谷B欄獲一勝兩位全上名，抽得四檔好位可言勝。