儲局上個月議息聲明中，打破以往慣例提及共五次提到中國，並指出中國經濟下滑為儲局加息障礙之一。主攻內地市場的外資企業，開始感受到中國經濟轉型嘅陣痛，增長減速。例如擁有快餐連鎖肯德基、必勝客同Taco Bell的百勝集團（Yum! Brands）因為中國經濟復蘇不似預期，大削集團今年全年盈利預測至低單位數，遠差過原先預測升10%，百勝上周二喺美股場外一瀉如注，股價大跌17%。
同樣睇重內地市場的Nu Skin，亦指中國經濟轉差拖累銷售減少。不過，企業績差總需要找個理由交代，但全部賴落去內地經濟差。內地八、九十後喺消費主力，因為他們擁有可持續賺錢嘅能力，五年後於中國消費市場嘅貢獻將由15%擴大至35%，不只網購，衫、電子產品同去旅行均屬於佢哋嘅消費目標。
美國Starbucks、蘋果公司及運動品Nike同樣喺中國市場吃得開，盈利仍持續增長。除咗市場推廣策略擊中內地市場外，最大原因仍然捉得住中國八、九十後客仔。所以，有大行報告都話京東商城同安踏（2020）都可以賺盡新世代嘅錢。而份報告最諷刺嘅係有幾隻本地零售股冇得受惠，係咪意味內地八、九十後「鳩嗚」都唔會嚟香港？
C+B
本欄逢周一刊出