大台靚仔主播葉昇瓚（Daniel）上周五last day，將會加盟財經公關公司PR Asia。
由空中少爺到做新聞主播，Daniel話「30幾歲人，想轉變吓」，加上阿女4個月大，佢想花多啲時間照顧家庭，所以由日夜顛倒嘅堆填區公仔箱，轉出中環做財經公關；其他由主播轉做公關嘅前行家，都好支持佢嘅決定咁話。
Daniel過去6、7年都係報港聞居多，財經公關嘅客戶多數係上市公司、投行等，Daniel承認可能唔夠財經方面嘅經驗，等到11月2日正式返新工後，要訓練一排先得。不過學資深公關大哥話齋，主播冇財經背景係輸經驗，但勝在儀容見得人，加上口才好，應該好快上手。