今季已舉行過四次快活谷賽事，沈集成是唯一次次都有馬贏之練馬師，其中近三次所勝出之「競駿高飛」、「上浦猛將」及「錢照收」悉數由梁家俊經手，成為他的新愛將。本周三(14日)夜馬，沈廐「競駿高飛」及「上浦猛將」贏完再吼谷草先跑，沈集成梗係想保持今季谷戰長勝紀錄啦。
「競駿高飛」過往分別於泥地及谷草1650米勝出，今次雖然增程初跑谷草1800米，不過在港同父馬如「瀟洒勁龍」及「方程式」均曾在此項路程贏馬，相信必有長力應付，好大機會可以再下一城。
至於「上浦猛將」已跨季連續五仗不勝有位，共獲一冠兩亞兩季，六歲馬目前大熟大勇，贏完仍用王牌報名，可反映幕後再拼之決心，續爭新勝之谷草1200米可添食。
另外，沈集成周三另一匹戰馬「金滙龍華」都好惡，原來已經跨季七戰谷草1650米上名，準到冇朋友，今次擺明又係出嚟提款，大家不妨吼實。