無綫高層曾勵珍昨晚在尖沙嘴出席蓋鳴暉生日會，對於陳國邦離巢，珍姐坦言了解過事情始末：「聽講話佢本來已經接受晒所有條件，只係爭返嚟簽（合約）。人各有志，無綫48年，一路都有培育新人。」對他不續約會否感可惜？珍姐不諱言：「唔可惜，好多同事喺外邊玩完一輪都返嚟，只要大家協調到就可以。」
陳國邦自言在無綫多年，沒機會做第一男主角發揮，對此珍姐不認同：「我心中演藝係冇分男女主角，係睇角色有冇發揮，佢嘅角色亦有發揮，其實過吓戲癮，唔好拘泥係咪主角，佢有經驗識得分，可能我哋半年後有機會見面。」現時無綫小生、花旦及綠葉相繼離開，問會否出現斷層局面？珍姐強調關菊英並非離開：「佢只係風花說月，想輕鬆啲，唔想簽約後要拎假。」她指無綫已接洽曾偉權、馮素波及廖啟智等多位藝人回巢拍劇。
採訪、攝影：張俊銘
