1823政府熱線2001年成立，𠵱家約有400名熱線客戶服務主任為22個政府部門，24小時「日以繼夜、夜以繼日」接受市民查詢。政府新聞網噚日公佈1823「十大查詢」，最受「歡迎」嘅部門係勞工處同運輸署，十大中各佔3項。
關於勞工處嘅問題，包括打工仔問放病假係咪照樣有糧出、終止合約時點樣計通知期同代通知金，以及勞工假點樣計等。運輸署同樣吃香，源於唔少車主對續領正式駕駛執照及車輛牌照，以及申請國際車牌嘅資訊有好多疑問。
原來1823取名有意思㗎，代表「1」個號碼「8盡」政府部門事項，「2」4小時運作，並以3種語言服務（廣東話、普通話和英語）。