港股自早前兩年半低位回升約2000點，連帶創業板也一併「癲狂炒賣」。如何「癲狂炒賣」？全配售的立基（8369）掛牌當日股價曾較招股價挾高59倍，第二日倒插95%；同是全配售的亞勢備份（8290）掛牌日升21倍，第二日跌22%，成交大減至56萬元。
保薦人失職？定價問題？條例漏洞？或者直接一點，證監可否「拉人封艇」？
有資深投行朋友跟密西比說，近期很多創業板新股，雖然很明顯地被「不明力量」舞高弄低，但單看表面資訊，他們所做的事均符合現行規定。
朋友說：「上市股東人頭夠數，股東間表面上沒有關連，證監可憑乜嘢話佢哋有問題？憑佢哋股價大升大跌？創業板講明畀專業投資者玩，無公開發售，規例又無話唔畀大升大跌，間嘢又係啱啱上市，咬佢哋唔入。」
查股東有否關連？朋友笑說：「上市股東資料你同我都睇到，大部份股份係集中晒喺幾間證券行，但呢個唔係有力證據證明佢哋夾埋，再講，呢個係創業板嘅死症，無硬性規定部份股份要公開發售，股份咪集中晒喺個別人士度囉……三個字，（證監）無得搞。」
密西比