韓劇《3days》女星蘇怡賢（右）已懷孕七個月，而《冬日戀歌》女星朴率美更快一步，下月就生得，昨日二人齊齊挺住巨肚於首爾出席護膚品牌活動，爭取產前每個搵奶粉錢的機會。兩位大肚婆都以深色打扮現身，當中蘇怡賢較貪靚，鞋踭高過朴率美，又風騷晒腿。今次是蘇怡賢首度為演員老公印喬鎮陀B，所以當她見到早已與韓在石育有一女、有當媽媽經驗的朴率美時，立即向對方請教心得。