【本報訊】佔領期間，遠在將軍澳堆填區的《蘋果日報》也成為藍絲大媽的針對目標，報紙幾乎無法出街。
一年後，已退下火線的壹傳媒創辦人黎智英，評論近年網媒湧現的現象，直言雖然網媒一度是佔領者及年輕人追捧的新聞來源，但不擔心壹傳媒影響力下降，又指無論付出多大代價，也要繼續「企硬」。
「真理最後會贏」
佔領期間，佔領者的行動隨時只是建基於一張未經查證的網上圖片，黎智英不憂慮這種情況會持續，或成為主流，「唔使擔心呢啲囉，如果我哋要抗爭，我哋係為真理抗爭，相信真理最後會俾人睇到囉，相信真理最後會贏，唔好懷疑」。
被問到壹傳媒的影響力在過去一年可有下降，黎智英說，「我哋一定係應該企喺我哋認為啱嘅立場，無論呢個代價係乜都好，無論我哋要受凌辱好、受委屈好、受損失都好，如果呢個係我哋嘅立場，我哋就要企喺嗰個立場囉。」
黎智英又補充做傳媒不是為影響力，「唔係話為咗有幾多影響力，呢啲虛榮嚟，虛榮唔會使你有力量囉」。
■記者張嘉雯
《雨傘一周年》: http://umbrella.appledaily.com