呢個星期上演國際賽，兩大南美球星美斯（圖）同尼馬一個受傷、一個停賽，冇波踢就搵其他搞作。美斯膝傷未好番，就乖乖地留喺巴塞隆拿，上周五扶住拐杖去當地一間劇院睇歌劇，捧佢偶像阿根廷演員Ricardo Darin場。至於尼馬，喺冇傷冇病下就唔會咁文靜，佢最近入咗部價值30萬歐元嘅法拉利458 Spider，趁得閒仲唔揸佢架新玩具周圍去咩。