【本報訊】本港青年失業率持續高企。今年扶貧高峯會以「促進青年人社會上游動力」為主題，扶貧委員會轄下青年教育、就業和培訓專責小組將策劃「友．導向」師友計劃，向青年提供升學及就業意見。曾參加過類似計劃的大專生譚曉琳直言「冇乜用」，「淨係搵個人出嚟同青少年傾，唔會有資金、地方畀你實踐夢想，治標唔治本」。
議員斥梁特玩數字遊戲
扶委會委員張國柱認為有關計劃「有好過冇」，但未能對症下藥，教育制度仍不重視職業學校，社會發展依舊側重金融、地產及服務業，未及多元，「教育同多元都唔掂，年輕人游來游去都游唔出去」。街工立法會議員梁耀忠批評特首梁振英玩數字遊戲，上任後貧窮人口只下降6萬，扶貧稱不上有成效。
梁昨在高峯會上稱，貧窮涉及社會公義及穩定，「700萬人是一家，我哋要有人人為我、我為人人嘅精神，解決全社會共同面對嘅問題」。扶委會委員何喜華認為，香港經濟政策單元化，基層住屋問題也未解決，「唔係話人人一家就可以解決問題，係要政府投放資源、力度先可解決」。
■記者王家文