薛家燕昨日在銅鑼灣出席乳健活動，宣揚乳健的重要性，又指平時都有「自摸」檢查、每兩年做一次X光造影檢查。家燕姐表示當年婚姻問題，令她覺得如世界末日一樣，她說：「搵人傾訴都要搵啱對象，試過搵錯對象，對方仲激動過我，話要搵人斬佢。」對於林盛斌（Bob）在錢國偉婚宴上醉酒鬧事，家燕姐說：「佢飲到咁上吓就攬住人錫，叫小春唔使嬲，佢開心，high咗先失控，我會叫Bob小心啲。」