屋企跳fuse？半夜無帶匙？呢啲時候最想有個專業師傅喺左近。楊駿釗（Eddie）曾面臨類似窘境，萌生研發手機App「師傅到」，快速配對客人與師傅，標榜短時間內解決家居突發問題。平台冀以專業服務為賣點，首階段將有300多名持牌師傅提供服務，他們亦正積極聯絡多間技術工會合作。
手機App「師傅到」為中介配對平台，將家居常見疑難分為「冷氣」、「水喉」等8個大類，用戶只須按自己需要選擇相應分類，再輸入具體描述如「漏水」、「淤塞」等，程式即會按地區將求助個案送達相關師傅手機，再由師傅報價。為免溝通有誤，用戶可將現場相片上傳，方便為個案作評估。接到報價後，用戶即可瀏覽各師傅基本資料，以及回顧過去評分，並從中比較價錢，務求格到最抵。未確認報價前，為保障私隱，師傅將不能得到用戶資料。由填寫資料到確認報價，最快可於數分鐘內完成，程式暫不收取任何一方的中介費用。
搵師傅最徬徨
創辦人Eddie表示，自己曾試過需要師傅上門維修而大費周章，先是到樓下五金店尋電話，同時又找朋友轉介，「結果搵到又話太遠唔嚟」，最終花上不少冤枉時間。他深明當中的無助，遂與朋友合作開發「師傅到」App，為一眾心急如焚的用家以最簡單方法找到合適師傅。
程式同時亦可惠及師傅。Eddie指出，不少師傅或因工作時間及地區所限，難以接觸大量客人；利用手機平台，他們可接觸大量潛在客源，更可彈性決定幾時開工或收工，亦可通過評價系統累積口碑。為提供最佳服務，Eddie稱每個登記的師傅都須呈交相關的專業資格，以通過審查。
■記者佘錦洪