前政府規劃師薛國強（圖）早前提出取消電車惹來全城圍插，佢早前又向城規會提出改劃申請，今次挑戰阿爺喺中環解放軍駐港總部，但最後都遭否決。
佢建議將解放軍駐港總部近3萬平方米土地，由「軍事用地」改劃為「商業」，仲話要起酒店。
嗰份申請由薛國強創立嘅智仕顧問有關公司提出，佢喺申請書度話，軍事用途同中環核心商業區用途唔啱，如果改做酒店就適合。
薛國強連阿爺都敢搞，規劃署一早已表明反對，話𠵱家幅地符合實際用途，講明佢嘅申請冇提出強烈理據或技術評估支持。
城規會噚日朝早就開會審議，結果唔使八方講，梗係唔通過啦，因為城規會班委員，大部份都係梁粉，佢哋點敢好似薛國強咁挑戰阿爺呢！