錢國偉和陳宛蔚前晚在尖沙嘴擺酒，「爺孫戀」林建名和何傲兒前後腳現身，不過當晚10時左右，婚宴未完林建名已急急由後門走，傲兒識做送他離場，兩人甚有默契分開行，其後傲兒才再獨自走。
繼日前周子揚高調自爆「我個心喺佢度」冧傲兒，但她前晚卻避談周子揚，她面有難色說：「我唔想回應喇，今日係主人家嘅大喜日子，祝佢哋白頭到老。」就男方認愛，傲兒說：「呢啲事我實在唔回應喇，不過見到都有啲愕然。」傲兒拒評周子揚，但大方承認場中是孖着林建名一齊坐。此外，新郎錢國偉異性緣佳，李悅彤（Liddy）和林芊妤（Coffee）都撐場賀伯樂，Liddy更肉緊攬到實。
採訪：譚倩宜、張俊銘
攝影：畢紹基、陳辰
