莫炎熙是天水圍居屋天頌苑小業主，早廣為街坊認識，他代表屋苑向房委會追討逾7,200萬元兩幢短樁樓的管理費，獲土地審裁處判勝訴，創造雞蛋撼贏高牆奇蹟。為家園，年內擔任業主委員會主席，揭露多項管理不善、賬目異常問題，催逼管理公司與房委會解釋，卻遭拉下台。獲得街坊支持，莫炎熙決定出選天水圍頌柏選區，硬撼新民黨黃卓健。
被拉下馬「因做得太好」
「我自細就好執着公義、公平，性格只有黑同白，冇灰色地帶。兩個月前街坊叫我參選，我拒絕，係因做區議員始終踏入政治，我完全陌生，易弄巧反拙」。他去年獲選為屋苑業主委員會主席，月前卻被拉下馬，「唔係做得唔好，而係做得太好，揭露太多問題」，包括他與委員在半年內，每月巡查屋苑內大廈，發現每幢大廈多處日久失修，包括水缸牆身滲漏等，列出10宗罪要求管理公司及房委會解釋，同時又揭發管理公司賬目問題多多，公共空間電費比格局相若的天盛苑貴200萬一年（而天盛苑多500伙）等。
這次出選頌柏選區，莫炎熙有把握勝出，「我在屋苑內出名肯做嘢、廉潔。我同（業委會）委員講過，連供應商、承辦商一杯水都唔可以飲，否則有事時就唔能夠直斥其非」。他批評尋求連任的黃卓健任內只管「蛇齋餅糭」，並非真正服務居民，「區議員應係居民同外界、政府溝通嘅橋樑，將政策同福利帶畀居民，但過去嘅區議員都冇做好」，如一億元地區撥款，建制派區議員支持撥給元朗區維修大會堂，「天水圍一毫子都分唔到」。
爭取連任的新民黨黃卓健表示，任內致力為居民爭取權益，如爭取天水圍興建市政街市，惜未獲元朗區議會通過，他聲稱過去4年有168項工作成果，若居民包括屋苑業委會有任何求助，都會提供支援，擔心過份介入屬業委會職權的工作會越權，業委會與區議員應互相制衡，若能連任，最希望爭取區內有多元化的食肆。