公共場所女廁不足，搞到女士要排長龍去廁所，大家見怪不怪，公民黨黨魁梁家傑曾經喺立法會提問，政府幾時肯修訂《建築物條例》，增加公眾場所女廁數目，噚日政府終刊憲改例，增加公眾場所女廁數目。
根據新修訂，若按人數計呢，商場同百貨公司嘅女性水廁數目，要比現有增加7成半；電影院增加1.6倍；公眾娛樂場所更要增1.85倍。新規定亦會訂明體育場、宗教機構、殯儀館的女廁數目標準，將於今年12月14日生效。發展局話修例同時，會理順埋食肆提供衞生設備方面的規定，同食環署發牌要求取得一致，或者以後女士喺商場去廁所唔使再等咁耐。