第六屆世界軍人運動會家陣喺南韓舉行，中國泳壇男神兼世界冠軍寧澤濤喺男子100米自由泳預賽攞到第四名，晉身決賽，但佢臨開賽前決定退出。消息話男神熱身嗰陣俾一位外國女泳手整親右邊膊頭，檢查證實骨頭冇事，但軟組織就有損傷，受傷位置仲越嚟越腫，幾乎成隻手郁唔到，最後決定退出。據中國傳媒報道，男神家陣透過敷冰嚟紓緩痛楚，希望佢早日康復啦。