由九支港超聯球隊角逐嘅菁英盃，今午兩點半喺旺角場開波，揭幕戰由A組嘅冠忠南區（圖）鬥元朗，足總噚日公佈呢項新增盃賽得到李兆基嘅恒地冠名贊助，叫做「恒基兆業菁英盃」，冠軍有五萬蚊獎金，亞軍亦有二萬五千蚊；季軍同殿軍各12,500元。雖然獎金唔算多，但新盃賽喺開波前一刻搵到地產商「科水」支持，始終係好事。門票收80同30蚊（長者同學生飛）。