禮拜六沙田八草兩泥賽事，草地用C跑道。睇番9月13日同一移欄八場草地賽事，一至四檔合共交出六W，可見內檔馬優勢甚大。跑法方面，後上馬絕對唔蝕底，「精彩時機」從尾叠衝上反勝對手，另外「駕翠」、「有得威」、「美麗大師」及「實業風采」都係守中間位置後上建功，所以唔好過份側重前置馬。
今戰列陣馬中，六場「實業風采」正是於9月19日田C欄贏馬，跑番強項有力贏今季第二W。另外，尾場「總統至上」係全場唯一贏過田C欄之參戰馬，憑較佳場地性能可食尾糊。
至於兩場泥地俱跑1200米，今季四場同程放頭入直路嘅馬拎到兩W一P成績，第二場「永得米」及第四場「大把籌碼」等擅跑泥地短途之快放馬值得優先留意。