跨太平洋夥伴關係協定（TPP）達成協議，令這個傾足10年嘅協定，終於走出淨係得個傾字嘅階段，呢樣嘢之所以令市場突然之間咁緊張，係擔心呢個協定會影響到中國，《人民日報》都要發文要大家唔使「騰」。
《人民日報》論點係，成立TPP需時，且中國都已經同多個國家簽訂自由貿易協定（FTA），再加上一帶一路同亞投行，中國對於TPP成立早有對策。的而且確，呢類型嘅合作，一般都要長時間嘅談判先至可以成事，TPP都足足傾咗十年先有今日，不過，《人民日報》提到嘅亞投行以及一帶一路又何嘗不是？
而中國同多個唔同國家簽訂嘅FTA，當中有五個國家同時亦都入咗TPP，包括新加坡、智利、紐西蘭、澳洲及秘魯，至於其他國大部份來自東南亞。而TPP除咗上述五個國家之外，大部份成員來自美洲，以及日本。
歐盟主要國家均未有出現在FTA同TPP，其中與中國簽訂FTA的歐洲國家只有冰島及瑞士，美國方面則與歐盟則正在推進跨大西洋貿易與投資夥伴關係協定（TTIP），換言之，兩邊尚未成功拉攏到歐盟呢個大客，現階段談勝負，言之尚早吧！
流氓