亞視前高層盛品儒去年跟蔡一鳳低調註冊，昨日在中環四季酒店補擺喜酒，晚上筵開四十一席，一對新人邀請兄弟和姊妹團各八人，其中人妻徐淑敏和利嘉兒都是姊妹團。羅霖、張耀揚和陳志雲等到賀。
盛品儒昨早出動接新娘，兩公婆接受傳媒訪問時，更咀足六次，問到開門利是？盛品儒說：「九十九萬九千九百九十九，寓意長長久久。」盛品儒豪花近百萬，認真闊綽。盛品儒又大講愛的宣言，他說：「我愛老婆情不變，一生為奴無怨言，買餸煮飯我做先，洗衫拖地我都掂。」蔡一鳳直認冧爆：「本來冇喊嘅，斟茶時見到媽咪眼濕濕，我就有少少。」
生四個做多仔公
蔡一鳳評老公八十分，盛品儒則給老婆九十九分。兩人下月會到大溪地度蜜月，順便慶祝結婚一周年。兩人的造人大計又如何？盛品儒答：「難度唔高，好容易，冇問題。」婚宴後一擊即中？他說：「預個日子，今晚太攰。」盛品儒想做多仔公：「生四個，東南西北，講笑箒，我都未諗名。」
一對新人昨日行頭十足，盛品儒坐勞斯萊斯接新娘，晚宴前讓記者拍攝切餅儀式，兩人又咀五次，新娘戴上母親早年以逾百萬拍賣購入的閃爆綠寶鑽飾嫁妝，盛品儒又與蔡一鳳交換重十五卡藍寶婚戒，盛品儒說：「上年註冊時，呢對戒指仲未整好，藍寶石係家傳之寶，我加咗天使設計代表老婆，保護大家。」
去年北京涉毒被捕的張耀揚昨也有到賀，問到涉毒事件是否有影響工作，他說：「一定會有，件事我錯咗好多嘢，希望各大觀眾包容我，件事警惕自己最緊要。」
採訪：黃曉妍、盧妹、卓寶花
攝影：陳俊強、陳順禎
